• O Europako Forumo e Romengo thaj e Phirutnengo

     

    O Europako Forumo e Romengo thaj e Phirutnengo

     

    Soske jekh Forumo?

     

    O gindo/ideea ke te avel jekh Forumo savo reprezentil e Romen ande Europa, avilas avri

    d-anda 90to bersh. E Roma astarde te den pes gindo pala jekh institucija savi te dzutil lenge te sikaven peski briga ko Europako nivelo. Kado gindo kerdilas konkreto kana ando 2001to bersh, e Raji Tarja Halonen, e Prezidentka e Finlandoski, ande peski vorba karing o Parlamentarichno Asamblo katar o Europako Konsilo, kerdas e propozicija ke te vazdel pes sar jekh konsultativno asamblo e Romene ko Europako nivelo. O gindo sas, ande lake vorbi, ke te “del pes glaso e Romenge”.

     

    O proposalo katar e  Raji Halonen vazdas but interesso mashkar e Roma thaj mashkar o Europako Konsilo. Sar rezultato, kerdas pes jekh informalno eksploratorichno grupa, kerdi anda Romane liderura thaj prindzarde manusha, save astarde te dikhen kana shaj te vazdel pes kasavi institucija, vaj Forumo, kade sar von aba akharenas les. E konkluzie sas but pozitivno thaj o Komiteto e Ministerengo katar e Europako Konsilo las e decizija te analizin maj dur. E diskusije maj dur dzan, ale si pashe karing o gor.

     

     

    Sostar si specialno o Forumo?  

     

    E Romen thaj e Phirutnen si len maj but bivladake organizacii ande sa e thema kaj kasave manusha trajn. Si vi internacionalno bivladake organizacii save keren buti te lasharel pes e situacija  e Romeni ande le thema.

     

    O gindo savo si pala e iniziativa, sa jekh, sas te vazdel pes e Romene jekh internacionalno institucija savi te keerl buti pashe le Konsilosa le Europako. O Forumo dela e Romen thaj e Phirutnen o shajpe te participin thaj te influencin e procedura kaj lel pes decizija pala le problemura so azban len, puterdes thaj oficialno, mashkar jekh specialno relacija la Konsilosa le Europako. Kadi avela e angluni data kana e nacionalne thaj europake Romane organizacii d-anda intrego Europa avela len o shajpe te vorbin khetane thaj te dikhen khetane sar te reshin le problemura so azban le Romen. Kado kerel e Forumos te avel specialno, thaj kerel les te avel aver sar e avera internacionalne organizacii.

    + 

    En français

    « FERV (Forum européen des Roms et Voyageurs) : définitionsO Europako Forumo »

  • Commentaires

    1
    visiteur_petite mano
    Mercredi 3 Mai 2006 à 20:50
    j'ai encore beaucoup a apprendre allez j'y retourne !!
    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :